🧾 SQLite

É unha base de datos relacional/libraría que pode cumprir coas caraterísticas ACID.

Como realmente é un executable de pequeno tamaño (cunha libraría escrita en C que pode empregarse dende outros programas) a conexión é directa. Para o almacenamento emprégase un arquivo local.

• Baseado na imaxe que ten alpine: https://hub.docker.com/r/alpine/sqlite

Para empregar SQLite, podémolo baixar directamente. Nos empregaremos un docker mínimo cunha imaxe de alpine e o executable sqlite.

Vemos aquí un exemplo cun contedor non persistente (--rm).

1. Creamos un arquivo no directorio actual que se chame dieta.db cunha táboa alimento_saudable:

   docker run -ti --rm -v $(pwd):/apps -w /apps alpine/sqlite dieta.db "CREATE TABLE alimento_saudable (id INTEGER PRIMARY KEY, nome TEXT);"
   

2. Insertamos datos:

   docker run -ti --rm -v $(pwd):/apps -w /apps alpine/sqlite dieta.db "INSERT INTO alimento_saudable(id, nome) VALUES(1, 'Chourizo');"
   

3. Recuperamos datos:

   docker run -ti --rm -v $(pwd):/apps -w /apps alpine/sqlite dieta.db "SELECT * FROM alimento_saudable;"
   

Realmente os ; finais non farían falta nunha chamada directa como esta.

SQLite ten conectores JDBC e pódese empregar en case calquer linguaxe, por exemplo está dispoñible para Java e Python.

Emprégase moito sobre todo en contornos móbiles.

Máis información

• Páxina oficial de SQLite
• Exemplo de uso en Python: https://github.com/jfsanchez/SBD/blob/main/notebooks/bbdd/sqlite3.ipynb